राज्यातील मतदार यादी विशेष पुनरीक्षण मोहीम

प्रतिनिधी/जयकुमार सोनकांबळे-यावर्षीच्या एप्रिल ते डिसेंबर या काळात मुदत संपलेल्या ग्रामपंचायतीचा निवडणुका कोरोनामुळे निवडणूका होऊ शकल्या नाहीत.त्यामुळे तेथे प्रशासक नियुक्त करण्याची वेळ आली.यामुळे गावातील कार्यकर्ते नाराज झालेले आहेत.तेंव्हापासूनच लवकर निवडणूका व्हाव्यात,अशी अपेक्षा इच्छुकाकडून व्यक्त केली जात होती.आता राज्य निवडणूक आयोगाने यासाठीची प्रक्रीय सुरू केली आहे.1 डिसेंबरला प्रभागनिहाय प्रारूप मतदार यादी प्रसिद्ध केली जाईल.त्यावर 7 डिसेंबरपर्यंत हरकती व सूचना मागविण्याय येणार आहेत.त्यानंतर 10 डिसेंबरला अंतिम मतदार यादी प्रसिध्द केले जाईल.

         विधानसभा मतदारसंघाच्या 25 सप्टेंबर 2020 रोजी अस्तित्वात असलेल्या मतदार याद्या या निवडणुकांसाठी ग्राह्य धरण्यात येतील.त्या आधारावर तयार करण्यात येणार्या ग्रामपंचायतीच्या प्रभागनिहाय प्रारूप मतदार याद्या संबंधीत ठिकाणी 1 डिसेंबर 2020 रोजी प्रसिद्ध केल्या जातील.या प्रारूप मतदार याद्यांवर तेंव्हापासून 7 डिसेंबर 2020 पर्यंत हरकती व सूचना दाखल करता येतील.प्रभागनिहाय मतदार याद्यांमध्ये नविन नावांचा समावेश करणे, नावे वगळणे अथवा नावे किंवा पत्यामध्ये दुरूस्ती करणे इत्यादी स्वरूपाची कार्यवाही राज्य निवडणूक आयोगाकडून केली जात आहे.हरकत व सूचनांच्या अनुषंगाने केवळ मतदार याद्यांचे विभाजन करताना लेखनिकांकडून होणार्या चुका,मतदाराचा चूकून प्रभाग बदलणे,विधानसभेच्या यादीत नाव असूनही प्रभागच्या यादीत नाव नसणे आदीसंदर्भातील दुरूस्त्या करण्यात येतात.हरकती व सूचनां संदर्भातील प्रक्रिया पुर्ण झाल्यानंतर 10 डिसेंबर 2020 रोजी अंतिम मतदार याद्या प्रसिध्द केल्या जातील.ऑनलाईन नोंदणीसाठी www.nvsp.in ह्या पोर्टलवर जाऊन अर्ज भरावे असेही राज्य निवडणूक आयुक्त श्री.मदन यांनी सांगितले.